O‘zbekiston Prezidenti Shavkat Mirziyoyev Rossiya Prezidenti Vladimir Putinga Rossiya kuni munosabati bilan tabrik yo‘lladi.

Tabrik maktubida davlat rahbari Rossiya xalqini milliy bayram bilan qutlab, ikki mamlakat o‘rtasidagi strategik sheriklik va ko‘p qirrali hamkorlik munosabatlarini yanada mustahkamlash muhimligini ta’kidladi.

Shuningdek, maktubda O‘zbekiston va Rossiya o‘rtasidagi savdo-iqtisodiy, hududlararo hamda gumanitar aloqalar izchil rivojlanayotgani qayd etilib, Sankt-Peterburgda bo‘lib o‘tgan oliy darajadagi muzokaralar o‘zaro ishonch va an’anaviy do‘stlik munosabatlarini yana bir bor tasdiqlagani ta’kidlandi.