AQShning Jorjiya shtati, Atlanta shahrida bo‘lib o‘tgan Jahon chempionati yarim finalidan so‘ng Angliya va Argentina terma jamoalari muxlislari o‘rtasida ommaviy janjal yuz berdi.

Bu haqda The Sun xabar berdi. Ma’lum qilinishicha, Argentina terma jamoasining 2:1 hisobidagi g‘alabasidan keyin stadion yaqinida ikki jamoa muxlislari o‘rtasida to‘qnashuv kelib chiqqan. Hodisa oqibatida har ikki tomondan bir necha nafar muxlis politsiya tomonidan qo‘lga olingan.

Eslatib o‘tamiz, Argentina yarim finalda Angliyani 2:1 hisobida mag‘lub etib, Jahon chempionati finaliga yo‘l oldi. 19-iyul kuni bo‘lib o‘tadigan hal qiluvchi bahsda argentinaliklar Ispaniyaga qarshi maydonga tushadi. Ispaniya yarim finalda Fransiyani 2:0 hisobida mag‘lub etgan edi.