18-avgust, yakshanba kuni ertalab Kamchatkaning janubi-sharqiy qirg‘oqlarida sodir bo‘lgan kuchli zilzila sodir bo‘ldi. Hozirda sunami to‘lqini xavfi yo‘q, deb xabar berdi Rossiya Favqulodda vaziyatlar vazirligining Kamchatka o‘lkasi bo‘yicha bosh boshqarmasi.

Kamchatka janubidagi qutqaruvchilar 7 magnitudali zilzila natijasida bino va inshootlarga zarar yetgani yoki yo‘qligini aniqlamoqda.

Mahalliy vaqt bilan soat 07:10 da Tinch okeanida Petropavlovsk-Kamchatskiydan 108 km janubi-sharqda 7,0 magnitudali zilzila yuz berdi. O‘chog‘i dengiz tubida, 6 km chuqurlikda joylashgan. Petropavlovsk-Kamchatskiyning ayrim hududlarida 7 ballgacha yer silkinishi sezilgan. Zilzila Vilyuchinsk shahri, Elizovskiy va Ust-Kamchatskiy viloyatlarida ham sezilgan.

Seysmologlarning ma’lumotlariga ko‘ra, kuchli silkinishdan so‘ng xuddi shu hududda yana 5 magnitudali zilzilalar sodir bo‘lgan, ularning bir nechtasi turli aholi punktlarida sezilgan.

• Rossiya
• Tinch okeani
• Zilzila