“Liverpul” klubi bosh murabbiyi Yurgen Klopp jamoani APLning kuchli to‘rtligiga kirish uchun kurash haqida gapirdi.

“Bu mavsumda 7 ta kuchli jamoani ko‘rmoqdamiz. Hammamiz ko‘rdikki, “Nyukasl” juda kuchli raqib. Chempionlar ligasi yo‘llanmasi faqat 4 ta jamoaga nasib qiladi. Ko‘rinishidan, faqat ikki o‘rin bo‘sh.

“Arsenal” ajoyib mavsumni o‘tkazdi. “Siti” – “Siti”. “‘Manchester Yunayted” tez orada qaytadi, “Tottenhem” qattiq kurashadi, “Chelsi” hamon shu yerda.

Bu qiyin bo‘ladi. Chempionlari Ligasi yo‘llanmasini olish uchun mavsumni ikkinchi qismini ajoyib o‘tazishimiz kerak. Bu bizning maqsadimiz.

Shubhasiz, bizning raqiblar sifatli jamoalar, lekin ko‘p narsa o‘zimizga bog‘liq. Boshqalar singari, biz ham bosim ostidamiz, chunki bir necha orqada qolishni his qilish yoqimli tuyg‘u emas. Bizni juda ko‘p ajoyib janglar kutmoqda”, – dedo Klopp.

Mersisayd klubi turnir jadvalida 6-o‘rinni egallagan. 30-dekabr kuni 01:00 da “Liverpul” “Lester” ga qarshi bahs olib boradi.

• APL
• Chempionlar Ligasi
• Klopp
• Liverpul