Kerakli masalliqlar:

- Sariyogʻ – 260 gr

- Shakar – 220 gr

- Jigarrang shakar – 150 gr

- Tuxum – 2 dona

- Un – 300 gr

- Kakao – 100 gr

- Soda – 1 choyqoshiq

- Yongʻoq, mayiz, tomchi shaklidagi shokoladlar yoki quritilgan reza mevalar – 100-250 gr

- Ganash – taʼbga koʻra

Tayyorlanishi:

1. Yumshatilgan sariyogʻ har ikki turdagi shakar bilan birga qorishtiriladi.

2. Aralashma mikser yordamida koʻpirtiriladi.

3. Idish ichiga birin-ketin tuxum chaqiladi.

4. Masalliqlar ustidan un va kakao solinadi.

5. Massa ichiga osh sodasi qoʻshiladi va masalliqlar qoʻl bilan aralashtirilgancha yumshoq xamir qoriladi.

6. Rezavorlar yuvib quritilgach, xamir ichiga solib, qorishtiriladi.

7. Xamirdan yongʻoq kattaligidagi sharchalar yasaladi.

8. Sharchalar pergament qogʻoz toʻshalgan patnisga terib chiqilgach, har birining ustidan yengil bosib qoʻyiladi.

9. Pechenyelar 180 daraja haroratda 7-11 daqiqa pishiriladi.

10. Har ikkita pechenye ganash yordamida oʻzaro birlashtirib chiqiladi.

Manba

• Foydali
• Retsept