Shuningdek “qizil iblislar” yana bir vunderkindni kuzatmoqda.

“Manchester Yunayted” yarim himoyachilar Frenki De Yong va Jud Bellingemga qiziqish bildirmoqda.

ESPN o‘z manbalariga tayanib, “Manchester Yunayted” butun yoz davomida o‘z safiga qo‘shib olmoqchi bo‘lgan “Barselona” yarim himoyachisi hamon ingliz klubining transfer maqsadlari ro‘yxatida ekanligini yozmoqda. Qolaversa, kelasi yozda “Manchester Yunayted” “Borussiya” yarim himoyachisi uchun kurashda ishtirok etmoqchi.

“Yunayted”ning doimiy qiziqishiga qaramay, De Yong o‘tgan yozda “Barselona”da qoldi va keyin hech qachon Kataloniya klubini tark etmoqchi emasligini aytdi. Biroq, manbalarning ESPNga aytishicha, Erik Ten Xag futbolchining jamoat joylarida tutgan pozitsiyasidan xijolat tortmaydi. Murabbiy “Manchester Yunayted” kelasi yozda De Yong uchun yana bir taklif yuborishini istisno etmayapti. Ingliz klubi Frenki kelajakda “Barselona”ni tark etishi mumkin deb hisoblaydi va futbolchini “Manchester Yunayted”ga o‘tishga ko‘ndirish mumkinligiga ishonadi.

Eslatib o‘tamiz, o‘tgan yozda “Yunayted” “Barsa” bilan De Yong borasida kelishuv parametrlari bo‘yicha kelishib olgandi, ammo transfer amalga oshmadi, chunki futbolchi klubini o‘zgartirmoqchi emas edi.

“Manchester Yunayted” manbalarining ta’kidlashicha, klub Bellinghem uchun “Manchester Siti”, “Liverpul” va “Real Madrid” bilan raqobat qilishini tushunadi.

Qishda MYU jamoa tarkibini jiddiy o‘zgartirmaydi. Klub qayta qurishni davom ettirish uchun yozgacha kutadi.

• Barselona
• Frenki De Yong
• Futbol
• Manchester Yunayted
• Transferlar