AOKAda oʻtkazilgan brifingda Qurilish va uy-joy kommunal xoʻjaligi vazirligi boshqarma boshligʻi Davron Miliyevning maʼlum qilishicha, 2022-yil davomida har xil moliyalashtirish manbalari hisobidan boshlangʻich qiymati 21,83 trln.soʻmlik 12 511 ta obyekt boʻyicha inson omilisiz elektron tender oʻtkazilgan.

Shundan Davlat dasturlari boʻyicha boshlangʻich qiymati 14,3 trln.soʻmlik 8467 ta obyektlar boʻyicha inson omilisiz savdolar oʻtkazilgan. Davlat dasturlari boʻyicha jami 698,8 mlrd.soʻm iqtisod qilingan.

Shu bilan birga Vazirlar Mahkamasining tegishli qarorida:

–pudratchilar pudrat shartnomasining kamida 60% oʻz kuchlari bilan bajarilishi;

–qurilish ishlari oʻz vaqtida bajarilmagan taqdirda, to ushbu ishlar bajarilmagunicha yangi tenderlarga qoʻyilmasligi;

–shartnoma shartlari bajarilmagan taqdirda ushbu pudrat tashkiloti 24 oyga davlat xaridlariga kiritilmasligi qatʼiy belgilanganligini eslatib oʻtilgan.

• Qurilish vazirligi
• Tender