Xabarda aytilishicha, bugungi kunda O‘zbekiston fuqarolari Qozog‘iston hududiga Rossiya va O‘zbekiston orqali kirishda taqiq borligi sababli muammolarga duch kelish holatlari kuzatilmoqda.

Ma’lum bo‘lishicha, haydovchilarning Qozog‘istonda yo‘l harakati qoidalarini buzganligi uchun ularga nisbatan ma’muriy chora ko‘rilib, jarima belgilangani taqiq qo‘yilishiga sabab bo‘lgan.

Ushbu fuqarolar Qozog‘istonning “Kaspi bank” onlayn tizimidagi “davlat xizmatlari” jarimalar qismida tayinlangan jarimani to‘lagandan so‘ng mazkur davlat mutasaddi tashkilotlari tomonidan qo‘yilgan taqiqni olib tashlash bo‘yicha choralar ko‘riladi.

“Hurmatli haydovchilar, yo‘l harakati qoidalariga qat’iy amal qilib, ortiqcha ovoragarchiliklardan o‘zingizni xalos eting”, – deyiladi murojaatda.

Endi O‘zbekiston davlat chegarasidan avtotransportda o‘tuvchilar avvaldan elektron navbat olib qo‘yishi mumkin bo‘ladi.

Avtotransport vositasi navbatlarni boshqarish tizimida belgilangan vaqtda yetib kelmaganda, olingan elektron navbat o‘z kuchini yo‘qotadi.

Shuningdek, qarorga ko‘ra, “Jismoniy shaxslarning davlat chegarasi orqali o‘tkazish punktidan harakatlanishida Fast–track xizmatidan foydalanish tartibi to‘g‘risida”gi nizom tasdiqlandi.

• Murojaat
• Qozog‘iston
• Transport vazirligi
• Tranzit