AQSH Davlat kotibi Marko Rubio 2026-yil 19-oktabr kuni Samarqandga tashrifi chog‘ida Amerika kompaniyalari O‘zbekistonda yangi kelishuvlar tuzishga tayyorlanayotganini ma’lum qildi. Bu haqda Euronews telekanali Rubio bilan o‘tkazilgan intervyuga asoslanib xabar berdi.

Rubioning aytishicha, rejalashtirilayotgan kelishuvlar savdo va strategik ahamiyatga ega foydali qazilmalar sohasidagi hamkorlikni qamrab oladi. Vashington Markaziy Osiyodagi iqtisodiy ishtirokini kengaytirish va muhim minerallar yetkazib berish manbalarini diversifikatsiya qilishga intilmoqda.

Euronews muxbiri bilan suhbatda Rubio O‘zbekiston aholisi uning tashrifi va AQSH ishbilarmonlari delegatsiyasidan nimalar kutishi mumkinligi haqidagi savolga javob berdi.

“Menimcha, biz bir nechta aniq kelishuvlar tuzilganini e’lon qila olamiz”, — dedi u. Davlat kotibining ta’kidlashicha, kelishuvlar haqidagi ma’lumotlar forum doirasidagi uchrashuvlardan so‘ng e’lon qilinadi. “Bu yakuni emas. Bu — boshlanishi”, — deya qo‘shimcha qildi Rubio.

U, shuningdek, AQSH siyosatchilari Markaziy Osiyoga shu paytgacha yetarlicha e’tibor qaratmaganini ta’kidladi.

Hozircha yangi kelishuvlarning aniq shartlari va tafsilotlari e’lon qilinmagan. Rubio ularning ayrimlari bo‘yicha ma’lumotlar forumdagi uchrashuvlardan keyin taqdim etilishini bildirdi.