Jurnalistlar bilan muloqot chog‘ida Marko Rubio Samarqand asrlar davomida xalqaro savdo aloqalarining muhim markazi bo‘lib kelganini ta’kidladi. Bugun esa tarix va sivilizatsiyalar tutashgan ushbu qadimiy shaharda O‘zbekiston va AQSh o‘rtasidagi hamkorlikni yanada rivojlantirish uchun yangi imkoniyatlar ochilmoqda.

AQSh Davlat kotibining O‘zbekistonga ilk tashrifi aynan Samarqanddan boshlangani alohida ramziy ahamiyatga ega. Zero, Samarqand nafaqat boy tarixiy merosimiz timsoli, balki xalqlarni yaqinlashtiradigan, muloqot va hamkorlikni mustahkamlaydigan betakror maskandir.