31°
Kechasi 18°
Ishga tushirish 2026-yilning o‘rtalariga mo‘ljallangan.
O‘zbekiston Turkiy davlatlar tashkilotiga a’zo mamlakatlar bilan birgalikda 2026-yilda sun’iy yo‘ldoshni uchirishni rejalashtirmoqda. Bu haqda “O‘zbekkosmos” agentligining aerokosmik faoliyatni rivojlantirish bo‘limi boshlig‘i Muhiddin Ibrohimov Toshkentda bo‘lib o‘tgan matbuot anjumanida aytib o‘tdi, deb yozadi “Kazaxstanskaya Pravda” gazetasi.
Shuningdek, ushbu anjumanda O‘zbekiston kosmik monitoring ma’lumotlari bilan ishlash infratuzilmasini yaratishda sezilarli yutuqlarga erishilgani qayd etildi. Agar 2022-yilda zarur ko‘nikmalar va bozor yo‘qligi sababli mahalliy sun’iy yo‘ldoshni uchirish g‘oyasi erta bo‘lib tuyulgan bo‘lsa, endi vaziyat o‘zgardi. O‘zbekistonda davlat va xususiy sektorni qamrab oluvchi 600 ming kvadrat kilometrdan 1 million kvadrat kilometrgacha bo‘lgan sun’iy yo‘ldosh ma’lumotlarini qayta ishlash bozori shakllangan.
Ayni vaqtda Turkiy davlatlar tashkilotiga a’zo davlatlar bilan hamkorlikda ilmiy sun’iy yo‘ldosh ishlab chiqilmoqda. O‘zbekiston sun’iy yo‘ldoshning umumiy loyihaga birlashtiriladigan texnologik qismini yaratishda ishtirok etmoqda.
“Bundan tashqari, “O‘zbekkosmos” bo‘lim rahbari Ismoil Rasulov Yaponiyaning Kyusyu texnologiya instituti bilan shartnoma tuzilganini ma’lum qildi. Hamkorlik doirasida 2025-yilda O‘zbekistonning yetti jamoasi o‘z sun’iy yo‘ldoshlarini ishlab chiqish, loyihalash va yig‘ishni boshlaydi”, – deyilgan xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
