Putin Gorbachyovning dafn marosimida qatnashmaydi.

Matbuot kotibi Dmitriy Peskov Putinning ish jadvali shanba kungi tadbirga to‘g‘ri kelmasligini aytdi.

Uning so‘zlariga ko‘ra, Rossiya rahbari seshanba kuni Gorbachyov vafot etgan kasalxonada o‘z hurmatini bajo keltirgan.

Peskovning fikricha, Gorbachyovning islohotlari Sovuq urushni tugatishga yordam berdi, lekin Putin afsus bilan Sovet Ittifoqining qulashini ko‘rdi.

2005-yilda Rossiya prezidenti SSSRning parchalanishi “XX asrning eng katta geosiyosiy falokati” ekanligini aytgandi.

Biroq Putin Gorbachyovning oilasiga yuborgan hamdardlik telegrammasida uni jahon tarixi rivojiga katta taʼsir koʻrsatgan siyosat va davlat arbobi sifatida taʼriflagan.

Ma’lumot uchun, Gorbachyovning dafn marosimi Moskvadagi Ustunlar zalida bo‘ladi.

Shundan so‘ng u shahardagi Novodevichiy qabristonida, 1999-yilda vafot etgan rafiqasi Raisaning yoniga dafn etiladi.

• AQSh
• Mixail Gorbachyov
• Putin
• Rossiya