Rossiya prezidenti Vladimir Putin Xerson va Zaporojye viloyatlarini mustaqil hududlar, deb tan olish to‘g‘risidagi farmonlarni imzoladi. Bu bu haqda rasmiy manbalarga tayanib, “RIA novosti” xabar berdi.

“Xalqaro huquqning umume’tirof etilgan tamoyillari va normalariga muvofiq, Xerson viloyati aholisining xohish-irodasini inobatga olgan holda Birlashgan Millatlar Tashkiloti Ustavida mustahkamlangan xalqlarning teng huquqliligi va o‘z taqdirini o‘zi belgilashi tamoyilini tan olgan va tasdiqlagan holda 2022-yil 27-sentyabrda bo‘lib o‘tgan referendum bo‘yicha Xerson viloyatining suvereniteti va mustaqilligi tan olinsin”, – deyiladi hujjatda.

Ikkinchi shunga o‘xshash farmon Zaporojye viloyatining suvereniteti va mustaqilligini tan olishga ishora qiladi.

Bir kun avval ma’lum bo‘lishicha, Kremlda to‘rtta yangi hudud – Donetsk va Lugansk xalq respublikalari, shuningdek, Xerson va Zaporojьye viloyatlarining Rossiya tarkibiga kirishi bo‘yicha kelishuvlarni imzolash marosimi bo‘lib o‘tadi. Unda Putin va parlament a’zolari ishtirok etadi.

Davlat rahbari matbuot kotibi Dmitriy Peskovning aytishicha, marosim Toshkent vaqti bilan soat 17:00 da boshlanishi rejalashtirilgan. Unga ko‘ra, referendumlar o‘tkazilgan barcha to‘rtta sub’ekt bilan Rossiyaga qo‘shilish to‘g‘risidagi bitim imzolanadi. Shu kuni Putin ushbu hududlar rahbarlari bilan uchrashadi.

Qayd etish mumkin, 23-27-sentabr kunlari DXR va LXRda, shuningdek, Xerson va Zaporojye viloyatlarning Rossiya tarkibiga kirishi bo‘yicha referendumlar o‘tkazildi. Qayd etilgan barcha hududlarda ovoz berganlarning mutlaq ko‘pchiligi ushbu masalani yoqlab chiqqan.

Biroq, Gʻarb mamlakatlari ushbu hududlar to‘laligicha Ukraina hududi ekanini ta’kidlamoqda.

• Donetsk
• Lugansk
• Putin
• Rossiya
• Ukraina
• Xerson