31°
Kechasi 18°
Toshkent shahar IIBB JTSB Karantin tadbirlarini taʼminlash guruhi xodimlari tomonidan shaharga sifatsiz goʻsht mahsulotlari olib kirish holati aniqlandi. Bu haqda poytaxt IIB matbuot xizmati xabar berdi.
Qayd etilishicha, “Erkin” YPX maskanida IIB xodimlari tomonidan “Qashqadaryo-Toshkent” yoʻnalishida harakatlanib kelayotgan 1989-yilda tugʻilgan Sarvar T. boshqaruvidagi Isuzu rusumli avtotransport vositasi toʻxtatib tekshirilganida, uning yukxonasida 6 bosh tirik va 1 bosh taxminan 350 kilogramm ogʻirlikdagi ot goʻshti borligi aniqlangan.
"Goʻsht mahsuloti Oziq-ovqat mahsulotlari xavfsizligi laboratoriyasida tekshiruvdan oʻtkazildi va isteʼmolga yaroqsizligi maʼlum boʻldi. Shunga koʻra, sifatsiz goʻsht mahsuloti tegishli tartibda yoʻq qilindi”, – deyiladi xabarda.
Shunday qilib, karantin tadbirlarini taʼminlash guruhi xodimlari tomonidan olib borilgan ishlar natijasida 350 kilogramm goʻsht mahsulotlarini tegishli hujjatlarsiz poytaxtga olib kirish fakti oldi olindi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
