Zaporojye viloyatining 3500 dan ortiq aholisi Ukraina urushida qatnashish uchun Donetsk va Lugansk xalq respublikalari (DXR va LPR) qo‘shinlari yoki militsiyalariga qo‘shildi.

Bu haqda “Biz Rossiya bilan birgamiz” harakati rahbari Vladimir Rogov ma’lum qildi.

Uning soʻzlariga koʻra, hozirda ushbu harakatga rasmiy shakl va tuzilma berish hamda Zaporojye koʻngillilari boʻlinmasini shakllantirish uchun harakat qilinmoqda.

“Kattaligiga qarab, korpus bo‘ladi”, - dedi u.

Keltirilishicha, Rogov ishtirok etish har doim ixtiyoriy bo‘lganini ta’kidlagan.

“Bizda besh yillik moratoriy bor va biz mintaqaviy darajada majburiy chaqiruv bo‘lmasligi haqida allaqachon qaror qildik. Harbiy harakatlarda qatnashish faqat ixtiyoriy bo‘ladi”, - dedi u.

Shuningdek, Zaporojye viloyati harbiy-fuqarolik boshqarmasi boshlig‘i Yevgeniy Balitskiy mintaqada ko‘ngillilar batalonlarini tashkil etish to‘g‘risidagi farmonni imzolaganini aytdi.

Mulozimning so‘zlariga ko‘ra, yaqin kunlarda ko‘ngillilarni qabul qilish boshlanadi. Xerson viloyati harbiy-fuqarolik maʼmuriyati rahbari Vladimir Saldo ham oʻz mintaqasida koʻngillilar batalonlarini tashkil etish tarafdori ekanini ma’lum qilgan.

• AQSh
• Rossiya
• Ukraina
• Zaporojye AES