Rossiyalik kosmonavt Oleg Kononenko koinotda eng uzoq vaqt qolish bo‘yicha yangi rekord o‘rnatdi. Bu haqda “Roskosmos” xabar berdi.

Qayd etilishicha, 4-fevral kuni Moskva vaqti bilan 11:30:08 da Oleg Kononenko koinotda eng uzoq vaqt qolish bo‘yicha jahon rekordini yangilagan.

“U beshta kosmik parvoz davomida jami 878 kun 11 soat 29 daqiqa 48 soniya to‘plagan vatandoshi Gennadiy Padalkaning yutug‘idan oshib ketdi. Oleg Kononenko 2024-yil 5-iyun kuni Moskva vaqti bilan 00:00:20 da koinotda jami 1000 kunga yetishi kutilmoqda”, – deyiladi xabarda.

Yillik ekspeditsiya (2024-yil 23-sentyabr) tugallangandan keyin esa uning umumiy parvoz vaqti 1 110 kunni tashkil qiladi.

• Kosmonavt
• ekspeditsiya
• parvoz