“Times New Roman”, “Arial”, “Verdana”, “Tahoma” va “Helvetica” shriftlarining mualliflik huquqi egasi boʻlmish “Monotype” kompaniyasi rossiyaliklarga ulardan foydalanishni taqiqladi. Kompaniya vakillari Rossiyaning Ukrainadagi harbiy harakatlari tufayli mana shunday qarorga kelganlar. 

Maʼlumot uchun, “Times New Roman” dunyodagi eng mashhur shriftlardan biri hisoblanadi. Aksariyat rasmiy hujjatlarda ham aynan ushbu shriftdan foydalaniladi. Jumladan, AQSH Davlat departamenti va RF Mudofaa vazirligi oʻz hujjatlarini mana shu shriftda yuritadi. 

“Times New Roman” shrifti 1932-yilda ixtiro qilingan boʻlib, ilk bor “The Times” gazetasida ishlatilgan. “Arial” shrifti esa 1982-yilda oʻylab topilgan.

• shrift