Samarada xotirani yo‘qotish va gallyutsinatsiyalarga olib keladigan kasallik aniqlandi. Bu “Brutsellyoz” epidemiyasi deb nomlanadi. Ushbu kasallik tarqalishi va karantin haqida “Samara Online” sayti xabar bermoqda.

Malta, Kipr yoki Gibraltar isitmasi deb ham ataladigan “Brutsellyoz” Brucella bakteriyalari keltirib chiqaradigan xavfli kasallikdir. Ushbu kasallik odamga go‘sht, sut va pishloq kabi qayta ishlanmagan hayvonot mahsulotlari orqali yuqishi mumkin. Yuqtirilgan hayvonlar, shu jumladan qo‘ylar, echkilar, sigirlar, itlar va boshqalar bilan aloqa qilish orqali yuqtirish ham mumkin.

Shunungdek, “Brutsellyoz” belgilari kasallik shakliga qarab har xil bo‘lishi mumkin. O‘tkir “Brutsellyoz” yuqori isitma, bosh og‘rig‘i, zaiflik, qusish, diareya, mushak va bo‘g‘imlarda og‘riq, toshma va limfa tugunlarining kattalashishi bilan boshlanadi. Kasallikning surunkali shaklida artrit, markaziy asab tizimining shikastlanishi, gepatit, xotira va harakatlarni muvofiqlashtirish buzilishi va boshqa jiddiy asoratlar paydo bo‘lishi mumkin.

• karantin
• salomatlik