Serbiya Turkiyaning “Bayraktar” zabrdor dronlarini sotib olishga qiziqish bildirmoqda va ularning bir nechtasini kelgusi yilda xarid qilmoqchi. Mamlakat prezidenti Aleksandr Vuchichning taʼkidlashicha, hukumat “Bayraktar” dronlari uchun bir necha yuz million yevro toʻlashga rozi.

Davlat rahbari ayni vaqtda Belgradda boʻlib turgan turklar yetakchisi Rajab Tayip Erdogʻan bilan muzokara oʻtkazib, bir qator kelishuvlarga erishgan.

“Biz “Bayraktar” uchuvchisiz apparatini sotib olmoqchimiz, ammo uni xarid qilishni butun dunyo xohlayotganini koʻrib turibman. Shuning uchun navbatga turdik. Umid qilamizki, mazkur rejani kelgusi yili amalga oshiramiz”, deydi Vuchich.

Serbiya prezidentining aytishicha, ayni vaqtda mamlakatning Mudofaa vazirligi Turkiya bilan umumiy harbiy mashgʻulot oʻtkazish masalasida ham muzokaralar olib boryapti.

• Bayraktar
• Jahon
• Serbiya
• Turkiya
• dron
• xabar