Ayiq bilan mashg‘ulot o‘tkazib, huquqbuzarlikka yo‘l qo‘ygan bokschi Shahram G‘iyosovga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 111-moddasiga ko‘ra ma’muriy bayonnoma rasmiylashtirildi. Huquqbuzar bazaviy hisoblash miqdorining 3 baravari miqdorida jarimaga tortilgan.

Holat Ekologiya vazirligi ekologik nazorat inspeksiyasi va IIV xodimlari tomonidan o‘rganilib, video ishtirokchilari va tashkilotchilardan tegishli tushuntirish xatlari olingan. Shuningdek, ayiq Farg‘ona hayvonot bog‘iga topshirilgan.

Qolaversa, bokschi Shahram G‘iyosov Ekologiya, atrof-muhitni muhofaza qilish va iqlim o‘zgarishi vazirligiga chaqirtirilib, Vazirlar Mahkamasining “Yovvoyi hayvonlarni saqlash tartibini takomillashtirish chora-tadbirlari to‘g‘risida”gi qaroriga ko‘ra, jismoniy shaxslar tomonidan yovvoyi hayvonlarni saqlash va turli maqsadlarda foydalanish, hayvonlarga shafqatsiz munosabatda bo‘lish taqiqlangani tushuntirilgan. O‘z navbatida Shahram G‘iyosov uzr so‘rab, xatosini tushunib yetgani va bunday holat boshqa takrorlanmasligini ta’kidlagan.

• Ayiq
• Boks
• G‘iyosov
• Mashg'ulot