Sloveniya Falastin davlatini rasman tan oldi. Bu haqda Sloveniya hukumatining X ijtimoiy tarmog‘ida e’lon qilingan bayonotida ma’lum qilindi, deb yozadi “Anadolu”.

Aytilishicha, muxolifatdagi Sloveniya Demokratik partiyasi (SDS) kecha, 4-iyun kuni kechqurun parlament yig‘ilishi oldidan parlamentga taqdim etgan referendum taklifini qaytarib olgan. SDS deputatlari tark etgan yig‘ilishga qatnashgan 90 o‘rinli parlamentdan 52 nafar deputatning Falastin davlatining tan olinishi uchun ovoz bergan.

“Bugun Falastinning suveren va mustaqil davlat sifatida tan olinishi G‘arbiy Sohil va G‘azo sektoridagi Falastin xalqiga umid bag‘ishlaydi”, – deydi Sloveniya Bosh vaziri Robert Golob ijtimoiy tarmoqdagi postida.

• Falastin
• Sloveniya