Xabaringiz bor, Jizzaxning “Soʻgʻdiyona” klubi OFK kubogidagi yurishini davom ettirmoqda. OʻzPFL direktori Diyor Imomxoʻjayev OFK kubogi chorak final oʻyinlari Oʻzbekistonda oʻtkazilishiga ishora qildi.

“OFK kubogida ishtirok etayotgan “Soʻgʻdiyona” 17-avgust kuni “Xoʻjand” bilan safar uchrashuvini oʻtkazadi.

Mazkur bellashuvda jizzaxliklar gʻolib chiqsa, 6-sentyabr kuni Gonkongga borishi kerak edi. Gonkong tomoni esa mezbonlikdan voz kechdi.

Demak, 1/4 finalni Oʻzbekistonda qabul qilamiz”, – deb yozdi Imomxoʻjayev ijtimoiy tarmoqdagi sahifasida.

Qayd etish mumkin, “boʻrilar” mazkur turnir doirasida 3 oʻyining barchasida gʻalaba qozongan holda, “E” guruhida 9 ochko bilan birinchi oʻrinni egallab, Markaziy mintaqa hududiy final bosqichiga muvaffaqiyatli yoʻl olgan edi.

• Diyor Imomxo'jayev
• Futbol
• OFK