Toshkent shahridagi Tashkent City bogʻi sotiladi. Bu haqida “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi Prezident qarorida soʻz boradi.

Qaror bilan ommaviy savdolar orqali sotiladigan 1501 ta koʻchmas mulk obyektlari roʻyxati tasdiqlandi. Roʻyxatga Tashkent City bogʻi ham kiritilgan.

Shuningdek, 2022-yil 1-apreldan mahalladagi hokim yordamchilari tomonidan boʻsh turgan davlat obyekti yoki yerlar aniqlanib:

- 2 ming kvadrat metrgacha obyektlar – hokim yordamchilarining onlayn-buyurtmanomasiga asosan toʻgʻridan-toʻgʻri elektron onlayn-auksionga chiqariladi;

- qishloq xoʻjaligiga moʻljallanmagan yerlar – Yerelektron tizimi orqali yuborilgan onlayn-buyurtmanoma 3 kunda tegishli idoralar tomonidan koʻrib chiqiladi va ijobiy xulosa boʻlganda, 2 haftada onlayn-auksionga chiqariladi.

- Vazirlik va idoralar, hokimliklarning, 3 oydan koʻp foydalanilmasdan boʻsh turgan obyektlar ularning roziligisiz ijaraga berish yoki sotish uchun savdoga chiqariladi.

• Prezident
• Qaror
• Tashkent city