Toshkent shahri va Qashqadaryo viloyatida o‘tkazilgan tezkor tadbirlarda korrupsiyaga oid ikki holatga chek qo‘yildi. Toshkentda Davlat mulki obyektlaridan samarali foydalanish markazining hududiy boshqarmasi bosh mutaxassisi ijara shartnomasini rasmiylashtirish va qarzdorlikni bartaraf etish evaziga 15 ming AQSH dollari talab qilgan vaqtida ushlandi.

Qashqadaryoda esa Muborak tumani Elektr ta’minoti korxonasi boshlig‘i o‘rinbosari korxonaga yetkazilgan 103 million so‘mlik zararni qayta hisoblatib kamaytirib berish evaziga 17 million so‘m olgan vaqtida qo‘lga olindi. Har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.