Bugun, 13-iyul kuni O‘zbekiston Respublikasi Oliy sudi diniy ekstremistik, terroristik va aqidaparastlik g‘oyalarini targ‘ib qiluvchi hamda O‘zbekiston hududida olib kirish, tayyorlash, saqlash, tarqatish va namoyish etilishi taqiqlangan internet manbalari va kontentlar ro‘yxatini e’lon qildi.

Ma’lum qilinishicha, ro‘yxatga Facebook’dagi 276 ta sahifa, Telegram’dagi 886 ta kanal, Instagram’dagi 405 ta va Threads’dagi 1 ta sahifa, YouTube’dagi 202 ta kanal, Odnoklassniki’dagi 44 ta sahifa, TikTok’dagi 68 ta sahifa, shuningdek ayrim internet saytlari va kitoblar kiritilgan. Taqiqlangan manbalar va kontentlarning to‘liq ro‘yxati Oliy sud tomonidan e’lon qilingan.