31°
Kechasi 18°
Toshkent shahridagi “5-avtobus saroyi” filiali hududida avtobus yonib ketdi.
“Toshshahartransxizmat” AJ matbuot xizmatining ma’lum qilishicha, yong‘in 13-yanvar kuni soat taxminan 02:03 larda 2018-yilda ishlab chiqarilgan MAN A22 CNG rusumli avtobusda yuz bergan. Avtobus saroyi filialining navbatchi nozimlari tomonidan zudlik bilan 101 qisqa raqamiga soat 02:10 da qo‘ng‘iroq qilinib, yong‘in haqidagi xabar berilgan. Favqulodda vaziyatlar boshqarmasi o‘t o‘chirish bo‘linmasi soat 02:20 da filial hududiga yetib kelgan va yong‘in soat 02:40 da to‘liq bartaraf etilgan. Mazkur avtobusga biriktirilgan 10 yillik ish stajiga ega haydovchi ushbu avtobusda 101-sonli yo‘nalishda harakatlangan bo‘lib, 12-yanvar kuni soat 04:16 da navbatchi mexaniklar tekshiruvidan o‘tib, avtobusni texnik soz holatda soat 05:33 da filial hududidan olib chiqqan hamda yo‘nalishda qatnovlarni to‘liq bajarib soat 22:00 larda yakunlagan. Shundan so‘ng haydovchi “Davron sifatli gaz” MChJ gaz quyish shoxobchasiga borib, avtobusga gaz quydirgan va soat 23:29 da filial hududiga qaytib kelib avtobusni eshiklarini yopgan holda safga qo‘ygan. Hodisa oqibatida jarohatlanganlar bo‘lmagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
