Toshkentda energiyani behuda sarflash va undan noqonuniy foydalanishga chek qo‘yish bo‘yicha keng ko‘lamli tadbirlarga start berildi.

31-iyul kuni Yunusobod tumanida o‘tkazilgan yo‘riqnomada shahar prokurori, IIBB boshlig‘i hamda shahar hokimi o‘rinbosari tomonidan mas’ullarga aniq vazifalar belgilab berildi.

Asosiy ustuvor yo‘nalishlar:

🔷Prezident qaroriga muvofiq energiya samaradorligini oshirish va noqonuniy foydalanishga yo‘l qo‘ymaslik;

🔷Yirik o‘g‘irlik holatlarini fosh etish va resurslar yo‘qotishi yuqori bo‘lgan tumanlarda tekshiruvlar o‘tkazish;

🔷Elektron tizimlar orqali hisoblagichiga tashqi ta’sir o‘tkazilgan yoki aloqaga chiqmayotgan «shubhali» iste’molchilarni manzilli o‘rganish.

Ushbu kompleks chora-tadbirlar poytaxtda energiya resurslari talon-toroj qilinishining oldini olib, halol iste’molchilarni barqaror ishlaydigan tizim orqali elektr hamda gaz bilan ta’minlashga xizmat qiladi.

• IIBB
• Toshkent
• Yunusobod tumani