“AQSh prezidenti etib saylangan Donald Tramp bilan bog‘liq xayriya jamg‘armalari 200 mln dollardan ortiq mablag‘i yig‘di”, – deb yozmoqda The New York Times.

Yig‘ilgan mablag‘lar 20-yanvar kuni bo‘lib o‘tadigan inauguratsiya, siyosiy faoliyatni moliyalashtirish va prezident kutubxonasiga yo‘naltirish rejalashtirilgan. Hozirga kelib, inauguratsiya fondida 150 mln dollardan ortiq mablag‘ mavjud. 2017-yil Tramp ilk marta prezident etib saylanganda, bu maqsadlar uchun 107 mln dollar yig‘ilgan bo‘lsa-da, o‘sha payt uchun bu rekord miqdor hisoblangan.

Xayriya qilgan kompaniyalar orasida Pfizer farmatsevtika korporatsiyasi, Amazon texnologiya giganti, ChatGPT xizmatini ishlab chiquvchi OpenAI, Meta, shuningdek, kriptovalyuta bilan shug‘ullanadigan turli tashkilotlar mavjud.

• AQSh
• Jamg‘arma
• Tramp