Odam savdosi aybi bilan Interpol tomonidan xalqaro qidiruvda bo‘lgan O‘zbekiston fuqarosi Nilufar Mirxonova Chanoqqalʼaning Ayvajik tumanida politsiya guruhlari tomonidan qo‘lga olingan. Bu haqda Turkiyaning Ihlas axborot agentligi xabar berdi.

Interpol Chanoqqalʼa viloyat politsiya va razvedka boshqarmasi guruhlari tomonidan olib borilgan ishlar natijasida N.Mirxonovaga jinsiy maqsadlarda odam savdosi bilan shug‘ullanish ayblovini qo‘ymoqda. Uni dunyoning ko‘plab mamlakatlaridagi fohishaxonalarga xorijlik ayollarni yetkazib bergani iddao qilingan.

Xalqaro miqyosda qidiruvda bo‘lgan “Madam Klod” laqabli O‘zbekiston fuqarosi Nilufar Mirxonova Rossiya, Belarus, Qirg‘iziston, Turkmaniston va O‘zbekistondan ko‘plab ayollarni noqonuniy yo‘llar bilan Turkiyaga olib o‘tib, vositachilar orqali fohishaxonalarga sotganligi aniqlangan.

Maʼlum qilinishicha, yaqin kunlarda Mirxonova deportatsiya qilish uchun Ayvajik Repatriatsiya markaziga yetkaziladi.

• Fohishabozlik
• Turkiya