Ikkinchi Jahon urushi paytida “Spitfire” uchuvchilari oʻzlarining samolyotlarini juda sezgir deb oʻylashgan, ammo 2030-yillarga kelib uchuvchilar oʻz qiruvchilari bilan yanada yaqinroq aloqada boʻlishadi, samolyotlar ularning fikrini “oʻqiy oladi”.
“Tempest” samolyoti Buyuk Britaniyadagi BAE Systems, Rolls-Royce, Euromissile Group, MDBA va Italiyaning Leonardo kompaniyalari tomonidan ishlab chiqilmoqda. U sunʼiy intellekt bilan jihozlangan boʻlib, uchuvchilar yuqori bosimni boshidan kechirganda yoki ogʻir stressga duchor boʻlganda ularga yordam beradi.
Uchuvchi shlemidagi datchiklar miya signallari va boshqa maʼlumotlarni kuzatib boradi. Shunday qilib, parvoz paytida sunʼiy intellekt biometrik va psixologik maʼlumotlarning ulkan bazasini toʻplaydi. Datchiklar uchuvchining yordamga muhtojligini koʻrsatsa, bortdagi sunʼiy intellekt ishga tushadi va unga yordam beradi. Misol uchun, agar uchuvchi yuqori bosim tufayli hushini yoʻqotsa, sunʼiy intellekt boshqaruvni oʻz zimmasiga oladi.
“TempestJet”ning biznesni rivojlantirish boʻyicha direktori Jon Stokerning taʼkidlashicha, kelajakda samolyotlarni ishlab chiqarish jarayonlarining aksariyati avtomatlashtiriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!