Maʼlumotlarga ko‘ra, Ukraina Qurolli Kuchlari mayori, 39 yoshli Gennadiy Chastyakov o‘zining tug‘ilgan kunida halok bo‘ldi. Bu haqda mamlakat Qurolli Kuchlari Oliy bosh qo‘mondoni o‘zining Telegramʼdagi kanalida maʼlum qildi.

"Bugun, ayni fojiali sharoitda mening yordamchim va yaqin do‘stim, mayor Gennadiy Chastyakov oila davrasida vafot etdi. Uning yaqinlariga chuqur hamdardlik bildiraman", degan u.

“Ukraina haqiqati” nashrining yozishicha, Chastyakov uyiga alkogol va granata ko‘rinishidagi ryumkalar solingan sovg‘a paketini olib kelgan. Portlash sovg‘ani ochish vaqtida ro‘y bergan. Oqibatda mayor vafot etgan, uning rafiqasi va to‘rt farzandi omon qolgan.

Zalujniyning taʼkidlashicha, mazkur hodisaga bog‘liq sabab va holatlar sud tergovi davomida aniqlanadi.

• Qurbon
• Qurolli Kuchlar
• Ukraina