Hech kimga sir emaski, uy hayvonlari bolalarning rivojlanishiga ijobiy taʼsir qiladi. Bolalar ularni parvarishlash orqali masʼuliyatni o‘rganishadi va bu mashg‘ulotdan zavq olishadi.

Psixologlar sotib olingan uy hayvonlari bolalar uchun uzoq yillar davomida hamroh, kichik do‘st bo‘lib qolishini taʼkidlashadi.

Uy hayvonlari avvalo bolaning jismoniy faolligini oshiradi. Bu esa farzandingizda semirish yoki diabet kabi kasalliklarning rivojlanish xavfini kamaytiradi.

Shuningdek, uy hayvonlari bolalarning yangi bilimlarni egallashiga turtki bo‘ladi. Yaʼni kichkintoylarda atrof-muhit va hayvonot dunyosini o‘rganishga qiziqish ortadi.

Psixologlarning fikricha, uy hayvonlarini parvarishlash qiz bolalarga nisbatan o‘g‘il bolalar uchun ko‘proq foydalidir. Chunki bu orqali bolalarda atrofdagilarga g‘amxo‘rlik qilish, masʼuliyatli bo‘lish kabi tarbiyaviy hislatlar shakllanadi.

Bundan tashqari, o‘zining uy hayvonlariga ega bo‘lgan bolalarda o‘ziga ishonch kuchli bo‘ladi. Ular, shuningdek, his-tuyg‘uylarini ham yaxshi nazorat qila oladi.

• Bolalar
• mushuk