Bugungi kunda varikoz eng ko‘p uchraydigan kasalliklardan biri bo‘lib, u har uchinchi ayol va o‘ninchi erkakda qayd qilinadi. Statistikaga ko‘ra, bu kasallik ko‘pincha 30-40 yoshlik davrda uchraydi.

Venalarning varikoz kengayishi bu venalarning kengayib choʻzilishi va tugun-tugun boʻlib qoladigan kasallikdir.

1. Uyda kunduzlari dam olsangiz, oyoqlaringizni baland ko‘tarib yoting. Bu usulda yotish 15 daqiqadan kam boʻlmasligi lozim.
2. Ich qotishiga yoʻl qoʻymang. Qabziyat kichik chanoqda qon aylanishi bosimini oshiradi.
3. Vazningizni nazorat qilib boring. Qisqa muddat ichida semirish venalarni kengaytiradi.
4. Qon harakatini siqib qoʻymaydigan va paxtali matodan tikilgan ich kiyimlarni kiying.
5. Agar oyoqlaringizda koʻkimtir tomirlar paydo boʻlsa, shifokorga murojaat qiling. Ular vena faoliyati buzilishidan dalolat berishi mumkin.
6. Ogʻir yuklarni koʻtarmang, uzoq vaqt turib yoki oʻtirib ishlamang.
7. Agar homilador boʻlgunga qadar yugurish, sakrash, tennis, voleybol bilan shugʻullangan boʻlsangiz, bu mashgʻulotlardan vaqtinchalik voz kechganingiz ma’qul.
8. Baland poshnali, siqib turadigan oyoq kiyimlarni imkoni boricha kamroq kiying. Tovonni yaxshi ushlab turadigan, qulay oyoq kiyimlar kiyganingiz foyda.

• Foydali
• Lifestyle
• Tavsiya
• salomatlik
• varikoz