Oʻzbekiston Respublikasi Energetika vazirligi ijtimoiy tarmoqlarda tarqalgan AGTKShlari haqidagi xabarlar yuzasidan rasmiy izoh berdi.

Qayd etilishicha, tarmoqlarda tarqalgan xabarlar mutlaqo asossiz boʻlib, AGTKSHlari belgilangan tartibda faoliyat yuritadi.

“Ijtimoiy tarmoqlarda “Vodiy viloyatlaridagi avtomobillarga gaz toʻldirish kompressor shoxobchalari (AGTKSh) faoliyati vaqtincha toʻxtatiladi” mazmunida xabarlar tarqaldi.

Ushbu xabarlar hech qanday asosga ega emasligini maʼlum qilamiz va fuqarolardan bu kabi tasdiqlanmagan xabarlarga ishonmasliklarini soʻraymiz”, – deyiladi axborotda.

Maʼlum qilinishicha, Respublika boʻyicha, xususan, vodiy viloyatlaridagi AGTKShlari faoliyati mahalliy hokimliklar bilan kelishilgan jadvallarga asosan davom etadi.

Oʻz navbatida, vazirlik ijtimoiy tarmoq vakillaridan bu kabi asossiz va tasdiqlanmagan xabarlarni tarqatmaslikni soʻragan.

• AGTSHK
• Energetika_vazirligi