Andijonda “Mini texnologiyalar yarmarkasi” o‘tkazildi.

"Biznesni rivojlantirish banki" ATB Xo‘jaobod tumanida Kichik biznesga ko‘maklashish markazi va tuman hokimligi hamkorligida "Mini texnologiyalar yarmarkasi" tashkil etildi.

Yarmarka tashkil etilishidan asosiy maqsad ishsiz va kam daromadli fuqarolarga o‘z biznesini boshlash va daromad manbasini yaratish uchun amaliy imkoniyat berish.

Yarmarkada 10 dan ziyod yetkazib beruvchilar tomonidan uy sharoitida va kichik ishlab chiqarish obyektlarini yo‘lga qo‘yishga mo‘ljallangan uskunalar namoyish etildi.

500 nafardan ortiq ishtirokchilar qatnashdi hamda mahalla bankirlari va hokim yordamchilaridan manzilli maslahatlar olishdi.

Yarmarkaning o‘zida 14 nafar fuqaro tanlagan uskunasi bo‘yicha dastlabki shartnomalarni rasmiylashtirdi.

Tadbirlar doirasida kelib tushgan murojaatlar bo‘yicha fuqarolarni daromadli faoliyatga yo‘naltirish ishlari davom etmoqda.