Xitoy AQSh iqtisodiyotiga 1 trillion dollar qiymatdagi investitsiya kiritishni taklif qilgan. Vashington buning evaziga Xitoy kompaniyalariga nisbatan qo‘yilgan cheklovlarni bekor qilishi kerak bo‘ladi.

Qo‘shma Shtatlar hukumati Xitoy taklif qilgan investitsiyalarning aniq miqdori va shartlari ustida muzokara olib bormoqda.

Tramp ma’muriyati Rossiyadan energetika mahsulotlari sotib oluvchi mamlakatlarga qarshi 100 foizlik ikkilamchi bojlar joriy etish imkoniyatini ham ko‘rib chiqmoqda. Bu Hindiston, Xitoy va Turkiyani rus neftini sotib olishdan to‘xtashga majburlash uchun bosim vositasi sifatida ko‘rilgan.

Shunga qaramay, Tramp hozircha Xitoyga nisbatan yangi cheklovlarni joriy etishga shoshilmayapti, sababi ikki mamlakat o‘rtasidagi savdo muzokaralari faol bosqichga chiqqan.

• AQSh
• Investitsiya
• Xitoy