Yaponiyaning sobiq malikasi Mako Komuro AQSh muzeylaridan biriga ishga kirdi. U oʻzi tahsil olgan yoʻnalish boʻyicha ish topgan.
Malikaning ismi Nyu-York shahri Metropoliten muzeyidagi Sharq tasviriy sanʼati koʻrgazmasini oʻtkazish uchun masʼul xodimlar roʻyxatida paydo boʻlgan. Katalogda Mako Komuroning koʻrgazmada koʻngilli sifatida ishlay boshlagani taʼkidlangan.
Malika Mako universitetda sanʼat tarixi yoʻnalishi boʻyicha tahsil olgan, AQShga koʻchib ketishidan avval 5 yil mobaynida Tokio universiteti qoshidagi muzeyda ishlagan. Sevgan yori Key Komuro bilan turmush qurgani uchun malikalik unvonidan mahrum boʻlgan. 2021 yilda esa turmush oʻrtogʻi bilan AQShga koʻchib oʻtgan.
Mako Komuro Yaponiyaning valiahd shahzodasi Akisinoning qizi hisoblanadi. Yapon malikalariga oddiy fuqarolar bilan turmush qurish taqiqlangan. Kursdoshiga turmushga chiqish qaror qilgan malika toʻy kuniyoq mamlakatning oddiy fuqarosiga aylangan. Malika buning uchun yaponiyaliklarning tanqidlariga ham duchor boʻlgan. Mamlakat fuqarolari Key Komuroni malikaga munosib juft emasligini aytib, Makoni imperatorlik sulolasi qadriyatlarini hurmat qilmaganlikda ayblashgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!