Tez orada shimoliy yarim shar aholisi yulduzli osmonda qum soatiga o‘xshash bulutni ko‘radi. Olimlarning ta’kidlashicha, bu 2007-yil oktyabr oyida sodir bo‘lgan “17P/Xolms” kometasining otilishidan boshqa narsa emas.

Shunisi e’tiborga loyiqki, jarayon vaqtida kometa izi qoldiqlari, uning gaz va chang komponenti hajmi bo‘yicha Quyoshdan o‘zib ketdi hamda bir qancha vaqt davomida Quyosh tizimidagi eng katta ob’yektga aylandi. Uning yadrosi o‘lchamiga kelsak, bu eng katta kometa emas: ro‘yxatda “Bernardinelli-Bernshteyn” ob’ekti yetakchilik qiladi.

Dastlab, astronomlar “17P/Xolms” otilishidan so‘ng bulut tarqaladi, deb taxmin qilishdi, ammo tadqiqotlar shuni ko‘rsatdiki, bu vaqt davomida kometaning chang zarralari Quyosh atrofida elliptik orbita bo‘ylab harakatlangan.

2022-yil iyul oyida Yer sayyorasi ushbu zarralar bilan kesishish nuqtasida bo‘ladi – Shu sabab tufayli oddiy havaskor uskunalar yordamida ham chaqnash izini kuzatish mumkin.

Oxirgi marta bulut parchalari joriy yilning mart oyida Finlyandiyadagi rasadxonadan kuzatilgan bo‘lib, bu sayyoramizning kometa chiqindilari bilan navbatdagi “uchrashuvini” bashorat qilishda katta rolb o‘ynagan. Bungacha ham xuddi shunday hodisa 2014-2015-yillarda sodir bo‘lgan, biroq keyinchalik quyosh nurini oldindan aytib bo‘lmaydigan tarzda aks ettiruvchi bulut zarralari tufayli bu voqea sodir bo‘lmagan.

“17P/Xolms” kometasi 1892-yilda uni kashf etgan astronom Edvin Xolms sharafiga nomlangan. Har yetti yilda bu samoviy jism Yerga yaqinlashadi va so‘nggi 55 yildan ortiq vaqt davomida uning xatti-harakati deyarli o‘zgarmagan. Kometadagi portlashlarning sababi to‘liq ma’lum emas, ammo mutaxassislar ushbu jarayon kosmik jism muz qoplamining agregasiya holati o‘zgarishi, shuningdek bosimning oshishi bilan bog‘liq bo‘lishi mumkinligini taxmin qilmoqdalar.

• Astronomiya
• Koinot
• Kometa
• Olimlar
• Teleskop
• Yer
• kosmos