Saturnning yoʻldoshi – Titan va Yer sayyorasi oʻrtasida kutilmagan oʻxshashlik bor ekanligini aniqlandi. Titan zich atmosferaga ega, uning yuzasida yogʻingarchiliklar kuzatiladi, daryo va dengizlar hosil boʻladi. Olimlar tomonidan yaqindagina oʻtkazilgan tadqiqotda Titanda ham Yerdagi kabi qum tepaliklar mavjud ekanligi aniqlandi.

Ammo, Titanning kimyoviy tarkibi Yerdan birmuncha farq qiladi. Titan yomgʻiri asosini metan tashkil etadi, havo esa azotdan tarkib topgan.

Mavjud maʼlumotlarni tahlil qilgan olimlar Titanda ham qumtepaliklar bor ekanligini tasdiqlashgan. Ular Yerdagi kabi noorganik silikatdan emas, organik donalardan iborat. Ushbu zarralar bir-biri bilan urilish natijasida yanada maydalashadi. Bu jarayon ular changga aylanib, atmosferaga koʻtarilguniga qadar davom etaveradi.

Saturn yoʻldoshidan olingan suratlar uning yuzasida yirik qum zarralari bilan qoplangan tepaliklar bor ekanligini koʻrsatgan. Ushbu tepaliklarning yoshi bir necha yuz yildan bir necha ming yilgacha boʻlishi mumkin.

Olimlar ushbu tepaliklarning qanday hosil boʻlishini tushuntirib berishgan. Tepaliklar yuzasidagi qum zarralari mayda zarralarning oʻzaro birlashuvidan yuzaga kelgan.

• Koinot
• qiziqarli
• tadqiqot