Sariosiyo tumanidagi maktab o‘qituvchilari va xodimlarining 2019-yil dekabr va joriy yilning yanvar oyi ish haqlari va avans pullari hisobidan jami 1,2 mlrd. so‘m “Qishloq qurilish bank” Sariosiyo filiali chakana xizmatlar bo‘limi boshlig‘i Sh.Sh. va boshqalar tomonidan o‘zlashtirilgan. Bu haqda Xabardor.uzga Bosh prokuratura Matbuot xizmati ma’lum qildi.

Xabarda aytilishicha, mazkur holat Bosh prokuratura huzuridagi Departamentining Sariosiyo tuman bo‘limi tomonidan aniqlangan.

Ushbu tekshiruv davomida Sh.Sh. va boshqalar tomonidan o‘zlashtirilgan 1,2 mlrd. so‘m mablag‘i qayta undirilgan.

Mazkur holat yuzasidan Sh.Sh. va boshqalarga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda, deyiladi xabarda.

Xabardor.uz