Qashqadaryo viloyati Muborak tumani “Qarliq” qishlog‘ida istiqomat qiluvchi Q.R ayoli R.G.ni temir bo‘lagi bilan boshiga urib o‘ldirgan. Bu haqda Ichki ishlar vazirligi Matbuot xizmati ma’lum qildi.

Xabarda aytilishicha, ular 2019-yilda turmush qurishgan bo‘lib, hali farzand ko‘rishmagan. Shu sababli er ayolidan shubhalana boshlagan va oqibatda uning o‘limiga sababchi bo‘lgan.

9-mart kuni Qashqadaryo viloyat IIB boshlig‘ining 1-o‘rinbosari I.Tursunov va boshqarma boshlig‘ining o‘rinbosari X.Atanazarovlar hamda tumandagi  4 ta sektor rahbarlari ishtirokida qotillik muhomaka qilindi, deyiladi xabarda.

Mazkur hodisa bo‘yicha tergov-surishtiruv ishlari olib borilmoqda.