Eron neft, gaz va suyuq yonilg‘i mahsulotlarini tashuvchi xorijiy kemalardan olinadigan 10 foizlik yig‘imni vaqtincha bekor qildi. Qaror mamlakatga neft-gaz mahsulotlarini olib kiruvchi yoki ularni Erondan olib chiquvchi kemalarga nisbatan qo‘llanadi.

Eron hukumati mazkur yig‘im transport xarajatlarini oshirganini hisobga olib, uni vaqtincha to‘xtatishga qaror qilgan. Cheklov tegishli mahsulotlar ro‘yxati hukumat tomonidan tasdiqlanib, rasman e’lon qilingunga qadar amal qiladi.

Rasmiy ma’lumotlarga ko‘ra, yig‘imning bekor qilinishi yuk tashish xarajatlarini kamaytirishi va xorijiy kemalarning Eron bilan bog‘liq tashuvlarda ishtirokini rag‘batlantirishi kutilmoqda.

Mazkur qaror AQSHning Eronning dengiz orqali neft eksportiga nisbatan bosimi kuchaygan bir paytda qabul qilindi. Shuningdek, avvalroq Hormuz bo‘g‘ozidan o‘tuvchi kemalarga to‘lov joriy etilishi ehtimoli ham muhokama qilingan edi.