Borsakelmas tuz koni. Ushbu maskan Qoraqalpog‘istonning eng go‘zal joylaridan hisoblanadi. Ayni paytda bu yerdagi manzara xuddi ertaklardagi muz saltanatiga o‘xshaydi. 

Mazkur tuz konining uzunligi 90, eni 40 kilometrni tashkil qiladi. Mart-aprel oylarida bu yerda yarim metr suv bo‘ladi. Borsakelmas sho֥‘r ko‘li Tetis ummoni esdaligidir. Bu kondan hozirda “Qo‘ng‘irot soda zavodi”ga xomashyo yetkazilib beriladi.

“Sudoche” ko‘li. Flamingo qushlari bilan mashhur bo‘lgan ushbu ko‘lda 230 dan ortiq qushlar turi uchraydi. Bir vaqtlari Orol dengizining bir qismini tashkil qilgan mazkur ko‘lga hozirda kollektor suvlari qo‘yiladi. “Sudoche” nomi qoraqalpoqcha “suvi duchchi” ya’ni “suvi chuchuk” so‘zidan kelib chiqqan. Chunki o‘tgan asrning 70-yillarigacha ko‘lning suvi chuchuk bo‘lgan va odamlar uni iste’mol qilishi mumkin bo‘lgan.

“Sudoche” ko‘lidagi qamishzorlar qushlarning ko‘payishi uchun eng qo‘lay maskandir. Joriy yilda mazkur ko‘ldagi qamishzorlarning yonib ketishi ko‘pchilikda xavotir uyg‘otgandi. Hozirda “Sudoche” ko‘li davlat buyurtmaxonasiga aylantirilmoqda.

“Sudoche” ko‘lining g‘arbiy sohilida o‘tgan asrning 70-yillarigacha 6-7 ming aholi yashagan. Ular asosan baliqchilik bilan shug‘ullangan. Urga deb nomlanuvchi ushbu qishloqda ondatralar ham yetishtirilgan. Hozirda bulardan faqat xotiralar qolgan, xolos.

Ustyurt kanyonlari. Orol dengizi tomon otlangan yo‘lovchi Ustyurt chink (chink – tik jarlik)larida ana shunday ajoyib kanyonlarni tomosha qilishi mumkin.

Orol dengizi uzra quyosh ko‘tarilmoqda.

Orolga sayohat ana shunday yo‘ltanlamas transportlar bilan mohir haydovchilar hamrohligida amalga oshiriladi.

Ustyurtda erta bahor…

Orol dengizi qirg‘ogida sayyohlar uchun ana shunday qulayliklar yaratilgan.

Ko‘ksuv. Mo‘ynoq. Amudaryo 2500 km. yo‘l bosib, shu yerlarda nihoyasiga yetadi. Ko‘ksuvda har yili “Baliqdan 99 turli taom” gastranomik festivali o‘tkaziladi.

Orolga yo‘lga chiqqan “karvon”.

Oqtumshuq – Orol dengizi suvlari saqlanib qolgan joy. Nukusga 400 km. Shu yerda sayyohlar uchun o‘tovlar tikilgan.

Davletgerey (Qo‘rg‘oncha) – Orol dengizi qirg‘og‘idagi XII asrga tegishli esdalik. Ushbu esdalikning tarixi hali yozilmagan.

Orol dengizi.

Orol dengizi sohilidagi o‘tovlar.

Azamat Matkarimov, Tazabay Uteuliev olgan suratlar