Қирғизистон Миллий хавфсизлик давлат қўмитаси берган маълумотга кўра, диний экстремистик ва террористик гуруҳларни аниқлаш ва уларга чек қўйиш доирасида олиб борилган тезкор тадбирларнинг бирида яширин экстремистик тармоқни ташкил этган Ўзбекистон фуқароси – “Ҳизб ут-таҳрир” диний экстремистик оқимининг Қирғизистон жанубидаги раҳбари фаолиятига чек қўйилган.

Қўлга олинган Ш.И. исмли фуқаро “Ҳизб ут-таҳрир” ДЭОнинг Ўзбекистон Республикасидаги ҳудудий раҳбари бўлган. У Қирғизистоннинг жанубий вилоятлари ва Ўзбекистоннинг чегарадош вилоятларида фаолияти тақиқланган ташкилот тузилмаларини тузиш ва мустаҳкамлаш бўйича ўзининг ҳамфикрлари билан яширин фаолият олиб борган.

Судгача бўлган тергов ҳаракатлари доирасида ўтказилган тергов-тезкор тадбирлари давомида ушбу шахс ўн йилдан ортиқ вақтдан бери Ўзбекистонда расмий қидирувда бўлиб, Қирғизистонда яшириниб юргани аниқланган.

Қирғизистон Миллий хавфсизлик давлат қўмитаси уни Ўзбекистонга экстрадиция қилди.

• Diniy ekstremizm
• Экстрадиция
• Ўзбекистон
• Қирғизистон