Хабарингиз бор, бундан бир неча ҳафталар илгари ҳамюртимиз Аббос Файзуллаев янги жамоага кўчиб ўтган эди. Аммо у ҳозиргача на ўртоқлик ва на расмий ўйинларда майдонга тушиш тугул, қайдномаларга ҳам киритилмаяпти. Бунга ҳар ким ўз ўлчови билан жавоб бериб кўраётган бир паллада таниқли журналист ва инсайдер Нарзулла Саъдуллаев вазиятга аниқ нима сабаб бўлаётганига ойдинлик киритиб кетди.

“Гап шундаки Туркия клуби ҳали Файзуллаевнинг трансфер сертификатини олмаган. Бу ҳужжатсиз янги футболчини майдонга тушириш тугул қайдномага ҳам киритиб бўлмайди. 

Бу ҳужжатни Москва клубидан олиш учун эса “Истанбул Башакшеҳир” трансфер суммасини тўлиқ ССКАга ўтказиб бериши лозим. Ҳаммаси бир-бирига боғлиқ. Тез орада қоғозбозлик тугайди ва Аббос ўзини майдонда кўрсата бошлайди” – дея фикр билдирган Саъдуллаев.

• Аббосбек Файзуллаев
• Истанбул
• терма жамоа
• Туркия