Япониянинг Нагоя шаҳрида жойлашган “IG Arena” мажмуасида йилнинг узоқ кутилган профессионал бокс оқшоми ниҳоясига етди.

Мусобақанинг асосий баҳсида иккинчи энг енгил вазн тоифасида япониялик мутлақ жаҳон чемпиони Наоя Иноуэ ушбу вазн тоифасида WBA йўналиши бўйича вақтинчалик чемпионлик камари соҳиби, ҳамюртимиз Муроджон Аҳмадалиев билан тўқнаш келди.

12 раундлик чемпионлик жанги тўлиқ давом этди. Якунда ҳакамлар бир овоздан 118:112, 118:112 ва 117:111 ҳисобида япон боксчисининг ғалабасини қайд этишди. Иноуэ чемпионлик камарларини ўзида сақлаб қолди.

Шундай қилиб, 30 ёшли ўзбекистонлик боксчи фаолиятидаги 16-жангида 2-мағлубиятини қабул қилиб олди. 32 ёшли Наоя эса 31-жангида ўзининг 31-ғалабасини нишонлади.

• Бокс
• Муроджон Аҳмадалиев
• Япония