36°
Кечаси 23°
Умумий юрисдикциянинг биринчи апелляция суди экстремизм иши бўйича махсус режимли колонияда 19 йилга озодликдан маҳрум этилган Алексей Навальнийнинг ҳукми устидан берилган апелляцияни рад этди. Бу мухолифатчи махсус режимли колонияга ўтказилишини англатади.
Шу билан бирга, суд ҳукм матнига жазо муддати ва чорасига таъсир қилмайдиган бир қатор кичик техник ўзгартиришлар киритди.
Суд, шунингдек, Навальний LIVE каналининг собиқ техник директори Даниел Холоднийнинг (саккиз йил умумий режимдаги колонияда) ҳукмини ҳам ўз кучида қолдирди.
Суд мажлиси ёпиқ эшиклар ортида ўтди. Бунга Ички ишлар вазирлигининг очиқ суд жараёни бўлса, иштирокчилар хавф остида бўлиши мумкинлиги ҳақидаги хати асос қилиб олинган.
Маълумот учун, жорий йилнинг 4 август куни Москва шаҳар суди Владимир номидаги қаттиқ тартибли колониядаги суд мажлисида Путиннинг ашаддий танқидчиларидан бири, сиёсатчи Алексей Навальнийни экстремизмни молиялаштиришда айбдор деб топиб, 19 йилга озодликдан маҳрум қилди.
Унга Россия Жиноят кодексининг 282.3-моддаси 2-қисми, экстремистик жамиятни яратиш Жиноят кодексининг 282.1-моддаси 3-қисми ва экстремизмга чақириш Жиноят кодексининг 280-моддаси 2-қисми билан айблов қўйилган.
Навальнийнинг 19 йиллик қамоқ жазоси барча жазолар, шу жумладан, аввалги ҳукмларда назарда тутилган, жазо муддати ўталмаган жазолар йиғиндисидан келиб чиқиб тайинланган.
Навальнийнинг "экстремизм" иши бўйича суд жараёни сир сақланди. У жорий йилнинг 19 июнида бошланди ва бор-йўғи бир ой давом этди, барча учрашувлар ёпиқ эшиклар ортида ўтказилди.
Навальний ҳозирда Владимир вилоятидаги қаттиқ тартибли колонияда жазони ўтамоқда. Аммо суд унинг ҳукми устидан берилган апелляцияни рад этди.
Бу мухолифатчи махсус режимли колонияга ўтказилишини англатади. Махсус режимли колониялар озодликдан маҳрум қилишнинг энг оғир шароитларига эга бўлган муассасалардир. Россия Федерацияси Жиноят кодексига кўра, у ерга умрбод қамоқ жазосига ҳукм қилинганлар ёки "ўта хавфли рецидивлар" юборилади – Навальний иши бўйича прокуратура ушбу иккинчи нуқтага таянади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
