АҚШнинг Мичиган штати Оксфорд шаҳридаги ўрта мактабда содир бўлган отишма натижасида уч одам қурбон бўлган, 8 киши яраланган. Бу ҳақда округ шерифи ўринбосари Окленд Майкл Маккейб хабар қилган.

Унинг сўзларига кўра, қурбонлар шу мактабнинг ўқувчилари бўлган. Яраланганлардан бири мактаб ўқитувчиси.

Маккейбнинг айтишича, отишмани содир этган шахс мактабнинг 15 яшар ўқувчиси. Жиноят жойида яримавтомат пистолет ҳам топилган. "Айбланувчи бир неча бор ўқ узган, қурбонлар бор. Хибсга олиш пайтида у ортиқча қаршилик қилмади" – дея хабар беради шериф ўринбосари.

Оқ уй матбуот котиби Жен Псакининг хабар беришича, президент Жо Байден бўлиб ўтган воқеадан хабардор. Кейинроқ АҚШ президенти мактабда содир этилган отишма тавсилотлари ўрганилаётганини маълум қилган.

• АҚШ
• Мактаб
• Отишма
• фожеа