31°
Кечаси 18°
2026 йил август ойида Ўзбекистонга 85,6 млн доллар қийматидаги 21 минг тонна мол гўшти импорт қилинди. Бу ҳақда Божхона қўмитаси маълумотлари маълум қилди.
Импорт ҳажми июль ойига нисбатан 3 минг тоннага ёки 23,4 фоизга ошган. Августдаги кўрсаткич йил бошидан буён бир ойда қайд этилган энг юқори импорт ҳажми бўлди.
Январь ойида Ўзбекистонга 11,6 минг тонна, февралда 14,3 минг тонна, мартда 12,7 минг тонна мол гўшти импорт қилинган. Апрелда бу кўрсаткич 11,2 минг тонна, майда 9,3 минг тонна, июнда эса 12,9 минг тоннани ташкил этган.
Умуман, 2026 йилнинг январь–август ойларида мамлакатга 519 млн доллар қийматидаги 111,1 минг тонна мол гўшти олиб кирилган. Бу 2025 йилнинг мос даврига нисбатан 21 минг тоннага кўп.
Айни пайтда Ўзбекистонда гўштга бўлган йиллик талаб 2,1 млн тоннадан ортиқни ташкил этади. Ички ишлаб чиқариш ҳажми эса 1,6 млн тонна атрофида.
Шу сабабли ҳукумат чорвачилик соҳасини ривожлантириш учун 463 млн доллар йўналтиришни режалаштирган. Шунингдек, 2026 йил якунигача хориждан 100 минг бош қорамол олиб келиш вазифаси белгиланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
