Исроил ҳарбийларининг Ливан шимолига уюштирган ҳаво ҳужумларида 18 киши ҳалок бўлди. Бу ҳақда Ливан Қизил Хоч жамияти маълум қилди.

Зарбалар Зигарт вилоятининг Айту шаҳрига қаратилган. Ҳужум оқибатида 8 киши ҳалок бўлган, яна 4 киши жароҳатланган.

Ливан Соғлиқни сақлаш вазирлиги маълумотларига кўра, 2023 йил 8 октябрдан буён Исроилнинг Ливанга берган зарбалари оқибатида 2 306 киши ҳалок бўлган. Улар орасида 104 нафар бола ва 194 нафар аёл бор. Шунингдек, 10 698 киши жароҳатланган.

Аввалроқ Исроил Ливаннинг шарқидаги Баалбек шаҳрига ҳам ҳаво ҳужуми уюштирганди. Ўша зарба оқибатида бир киши ҳалок бўлиб, бир неча киши жароҳатланган.

Исроилнинг Ливандаги қуруқликдаги операцияси бошланганидан буён камида 14 нафар исроиллик ҳарбий ҳалок бўлгани, 100 нафардан ортиғи эса яралангани хабар қилинган.